വെള്ളിയാഴ്‌ച, ഡിസംബർ 30, 2011

മനുഷ്യന്‍

“സത്യം, ഹൃദയശുദ്ധി, നി:സ്വാര്‍ത്ഥത എന്നീ ഗുണങ്ങളുള്ള മനുഷ്യനെ പരാജയപ്പെടുത്താന്‍ യാതൊരു ശക്തിക്കും സാധ്യമല്ല“

                                                             സ്വാമി വിവേകാനന്ദന്‍

കര്‍മ്മം

“എന്താണ് ചെയ്തിരിക്കുന്നതെന്ന് നോക്കുക.അല്ലാതെ ആരാണ് ചെയ്തിരിക്കുന്നതെന്നു നോക്കി വിധി കല്പിക്കരുത്“
                                                       ഡോ:എസ്.രാധാകൃഷ്ണന്‍

ദാനം

“നിങ്ങള്‍ക്ക് വേണ്ടാത്തത് നിങ്ങള്‍ ആര്‍ക്കെങ്കിലും കൊടുക്കുന്നുവെങ്കില്‍ അത് ദാനമേയല്ല“
                                                                         -മദര്‍ തെരേസ-

ചൊവ്വാഴ്ച, ഡിസംബർ 20, 2011

വിജയങ്ങള്‍

ജീവിതത്തിന്റെ വിജയങ്ങള്‍ സമ്പത്തിന്റെയോ ആഗ്രഹങ്ങളുടെയോ മാനദണ്ഡങ്ങളനുസരിച്ച് അളക്കരുത്.നിങ്ങളുടെ ഏതെങ്കിലുമെരാഗ്രഹം സാധിച്ചെന്ന് കരുതി ഒരു പ്രവര്‍ത്തി വിജയമാകില്ല. അങ്ങനെ ധരിക്കുമ്പോള്‍ വിജയത്തെ നിങ്ങള്‍ തെറ്റായി കണക്കാക്കുന്നു. ചെറുതായി മനസ്സിലാക്കുന്നു.ഏതൊരു വിജയവും വിജയമാകണമെങ്കില്‍ ഒരു വ്യക്തിയെന്ന നിലയില്‍ നിങ്ങളുടെ ആന്തരജീവിതത്തെ കുറെക്കൂടി മെച്ചപ്പെടുത്തുന്നതാകണം.അഥവാ അതിലൂടെ  കുറെക്കൂടി ഉയര്‍ന്ന കാഴ്ചപ്പാട് ജീവിതത്തെപ്പറ്റി ഉണ്ടാകണം.അല്ലാത്ത  വിജയങ്ങള്‍ആദ്യം തരുന്ന സന്തോഷങ്ങള്‍ക്കുശേഷം ദുഃഖം പ്രദാനം ചെയ്യുന്നു.അതിനാല്‍ യതാര്‍ത്ഥ വിജയങ്ങള്‍ക്ക് പരിശ്രമിക്കാം.നേട്ടങ്ങള്‍ കിടക്കുന്നത് പുറത്തല്ല;നിങ്ങള്‍ക്കുള്ളിലാണ്.ആ നിങ്ങളെ തേച്ചുമിനുക്കിയെടുക്കുന്നതാകട്ടെ ഓരോ വിജയവും
                                         -മഹാത്മാ ഗാന്ധി-


തിങ്കളാഴ്‌ച, ഡിസംബർ 19, 2011

മുന്‍ഗണനാക്രമം

അതാത് സാഹചര്യങ്ങളോടുള്ള നിങ്ങളുടെ മനസ്സിന്റെ കൃത്യമായ പ്രതിപ്രവര്‍ത്തനമാണ് മുന്‍ഗണനാക്രമം നിശ്ചയിക്കുന്നത്.അത് നേടുന്നവര്‍ ആ പ്രവര്‍ത്തിയില്‍ വിജയിക്കുന്നു
                                      -ഗോര്‍ഡന്‍ ചൈല്‍ഡ്-

ബഹുമാനം

കുടംബത്തിന്റെ വിശാലരൂപങ്ങളാണ് സമൂഹത്തില്‍ എവിടെയും ആവര്‍ത്തിക്കുന്നത്.ഓഫീസില്‍ ,
യാത്രയില്‍ ,രാഷ്ട്രത്തില്‍ എല്ലാം.വീട്ടില്‍ അമ്മയെ ബഹുമാനിക്കുന്നയാള്‍ റോഡില്‍ മറ്റൊരു അ
മ്മയെ കണ്ടാലും  ബഹുമാനിക്കും
                   -കേറ്റ് മില്ലെറ്റ്-

പ്രചോദനം

പരാജയങ്ങളെ പേടിച്ച് ഓടിയൊളിക്കുന്നവര്‍ ആത്മാവില്‍ വിശ്വാസമില്ലാത്തവരാണ്.ആത്മാവില്‍ വിശ്വാസമുള്ളവര്‍ക്ക് പരാജയം ഒടുങ്ങാത്ത പ്രചോദനമേ ആകുകയുളളൂ
                         -തോമസ് ആല്‍വാ എഡിസണ്‍ -

ചാലകശക്തി

എന്റെ ഹൃദയമാണ് ഈശ്വരന്റെ അചഞ്ചലമായ ആസ്ഥാനം. ആ പരമാര്‍ത്ഥം ഗ്രഹിച്ച് കൌടില്യം,
തിന്മ തുടങ്ങിയ അമംഗളങ്ങളും അഭിശപ്തങ്ങളുമായ സകലദുര്‍വിചാരങ്ങളെയും നിയന്ത്രിച്ചുനിര്‍ത്തട്ടെ
സ്വച്ഛവും നിര്‍മ്മലവുമായ സ്നേഹത്താല്‍ ഞാന്‍ അങ്ങയെ പ്രതിഷ്ഠിക്കുകയും ചെയ്യട്ടെ.എല്ലാ പ്രവ
ര്‍ത്തികളുടെയും ചാലകശക്തി അങ്ങാണ് എന്ന വസ്തുത മനസ്സിലാക്കി എന്റെ എല്ലാ കര്‍മ്മങ്ങളിലും
അങ്ങയുടെ മഹത്വം ഞാന്‍ പ്രചരിപ്പിച്ചുകൊള്ളാം
                -രബീന്ദ്രനാഥ ടാഗോര്‍ -




ശനിയാഴ്‌ച, ഡിസംബർ 17, 2011

ഇറങ്ങിപ്പോയൊരാള്‍

വേനല്‍ കഴുകിവച്ച പാടത്ത് കുളത്തിന്റെ ഓരം പറ്റി നില്‍ക്കുന്ന കണിക്കൊന്നയില്‍ ശൂന്യത മാത്രം
ഈ ശൂന്യതയെ വെറുത്താണ്16വര്‍ഷം മുമ്പ് അയാള്‍ ഗ്രാമത്തെ ഉപേക്ഷിച്ചുപോയത്.പക്ഷേ,എവിടെയും അയാള്‍ക്ക് ആഗ്രഹിച്ചത് കിട്ടിയില്ല ഒടുക്കം ഗ്രാമത്തിലേക്ക്
തന്നെ തിരിച്ചു വന്നു.വീട്ടിലേക്കുള്ള വഴിയില്‍ ആരും അയാളെ തിരിച്ചറിഞ്ഞില്ല,ഗ്രാമവും

വെള്ളിയാഴ്‌ച, ഡിസംബർ 16, 2011

അനുശീലനം

നമ്മള്‍ എന്താവര്‍ത്തിക്കുന്നുവോ അതാകും നമ്മള്‍ അതിനാല്‍ ആന്തരികഗുണങ്ങള്‍ മെച്ചപ്പെടു
ത്താന്‍ ആഗ്രഹിക്കുന്നയാള്‍ തനിക്കില്ലാത്ത ഗുണങ്ങളുടെ അനുശീലനം ഒരു തുടര്‍പ്രവര്‍ത്തിയാക്കുക
                                           -അരിസ്റ്റോട്ടില്‍ -

ജീവിതരസം

സ്വന്തം ജീവിതത്തില്‍ ഒരുനിമിഷമെങ്കിലും മകനോ മകളോ,അച്ഛനോ അമ്മയോ കാമുകനോ കാമുകിയോ,സുഹൃത്തോ ബന്ധുവോ ഒക്കെയായി ജീവിതരസം അനുഭവിച്ച ഒരാള്‍ക്ക് മറ്റൊരാളെ
കുറെ വെറുത്താലും കൊല്ലാനാകില്ല.ഹിംസ ഭീരുക്കളായ മണ്ടന്മാര്‍ ചെയ്യുന്ന പാപമാണ്.
                                                      -ഐന്‍സ്ററീന്‍-

സദ്ഗുണങ്ങള്‍

പ്രധാന സദ്ഗുണങ്ങള്‍ നാലെണ്ണമാണ്;ധീരത,കൃത്യധാരണ,ആത്മനിയന്ത്രണം,നീതിബോധം ഇവ
യില്ലാതാക്കുന്ന എട്ട് തിന്മകളുമുണ്ട്;ധിക്കാരം,ഭീരുത്വം,കൌശലം,അജ്ഞത,സദാചാരഭ്രംശം,മൂഢത
ആര്‍ത്തി,ക്രൌര്യം          -സിസെറോ-


നിക്ഷേപം

ഒരു നല്ല മനുഷ്യന്‍ തന്‍റെ ഹൃദയത്തിലുള്ള നല്ല നിക്ഷേപങ്ങളില്‍നിന്ന് നന്മകളെ പുറപ്പെടുവിക്കുന്നു
ചീത്ത മനുഷ്യന്‍ അവന്‍റെ ഹൃദയത്തിലുള്ള തിന്മകളില്‍ തിന്മകളെയും പുറപ്പെടുവിക്കുന്നു എന്തെന്നാല്‍
ഹൃദയത്തില്‍നിന്ന് നിറഞ്ഞ് കവിയുന്നതാണല്ലോ അധരങ്ങള്‍ സംസാരിക്കുന്നത്.
                                               -യേശുദേവന്‍-

ഏകത്വം

ഗീതയോ ബൈബിളോ ഖുറാനോ ഇല്ലാത്ത ഒരിടത്തേക്ക് മനുഷ്യരാശിയെ നയിക്കുകയാണ് നമ്മുടെ
ലക്ഷ്യം.അതിന് ഈ മൂന്ന് ധാരയേയും അന്യോന്യം രഞ്ജിപ്പിച്ച് ഒന്നാക്കണം ഏകത്വം എന്ന മതത്തി
ന്റെ വ്യത്യസ്തപ്രകാശനങ്ങളാണ് ഇവയെല്ലാം എന്ന് നാം പഠിക്കേണ്ടിയിരിക്കുന്നു.
                                                  -സ്വാമി വിവേകാനന്ദന്‍ -