കടങ്കഥകള്‍ -3

1)അക്കരയുണ്ടൊരു പൊത്ത്
   പൊത്തിലുണ്ടൊരു നത്ത്
   നത്തിനൊരായിരം കണ്ണ്
2)അടി തകില്,ഇല ചുക്കിരി
    കായ് കൊക്കര
3)അതിരില്ലാത്ത വയലിലെ
    എണ്ണമില്ലാത്ത ആടുകള്‍
4)അന്തിയോളം തൂങ്ങി തൂങ്ങി
   അന്തിയാകുമ്പോള്‍ താങ്ങി താങ്ങി
5) അമ്മ കല്ലിലും മുള്ളിലും
     മോള് കല്യാണപ്പന്തലില്‍
6) അമ്മക്ക് വയറിളക്കം
    മോള്‍ക്ക് തലകറക്കം
7) ആയിരം  പല്ലുള്ള കരുമാടിക്കുട്ടന്‍
     കുറ്റിത്തടിയനെ കീറിപ്പിളര്‍ന്നു
8) ആറില്‍ നിന്നൊന്നെടുത്തു
     ഒന്ന് കൊണ്ട് മൂന്നാക്കി
      മൂന്നില്‍ നിന്നൊന്ന് തിന്നു
       രണ്ടു കൊണ്ട് നൂറാക്കി
9)   ഉമ്മത്തിന്‍ പൂ സമം വസ്തു
       വസ്തുനാമ ത്രിയക്ഷരം
       ആദ്യം 'കോ'അന്ത്യം'മ്പി'
       മധ്യം ചൊല്ലുക ബുദ്ധിമാന്‍
10) ഒരു തുള്ളി വെള്ളം കൊണ്ട്
       ഒരു സ്ഫടികക്കൊട്ടാരം
11) ഒരു നേരം മുന്നില്‍
       ഒരു നേരം പിന്നില്‍
       എന്നും പിരിയാത്ത കൂട്ടുകാരന്‍
12)   ഒരു മുറിത്തേങ്ങ കൊണ്ട്
         നാടാകെ കല്യാണം
13)  കടലിനു പുത്രന്‍
        കറിയുടെ മിത്രം
14)  കടലില്‍ നിന്ന് കേറിയവന്‍
       കണിയാനായി
15)  കണ്ടാല്‍ മുണ്ടന്‍
        കാര്യത്തില്‍ വമ്പന്‍

അധ്യാപകര്‍

അച്ഛനമ്മമാരേക്കാള്‍ ആദരവ് അര്‍ഹിക്കുന്നവരാണ് അധ്യാപകര്‍ .അച്ഛനമ്മമാര്‍ ജന്മം നല്‍കുന്നതേയുള്ളൂ. അധ്യാപകരാണ് എങ്ങനെ നല്ലവരായി ജീവിക്കണമെന്ന കല അഭ്യസിപ്പിക്കുന്നത്.                                                                 -അരിസ്റ്റോട്ടില്‍ -

തൊഴില്‍

നിങ്ങള്‍ പ്രണയിക്കന്ന തൊഴില്‍ തന്നെ തിരഞ്ഞെടുക്കുക.അങ്ങനെയായാല്‍ ജീവിതത്തിലൊരിക്കലും   നിങ്ങള്‍ക്ക് തൊഴിലെടുക്കേണ്ടിവരികില്ല                                             -കണ്‍ഫ്യൂഷ്യസ്-

സത്യം

അനിഷ്ടമുണ്ടാക്കിയേക്കാമെങ്കിലും സത്യസന്ധനായ ഒരാള്‍ സത്യം വിളിച്ചുപറയുന്നു.പൊങ്ങച്ചക്കാരന്‍  അനിഷ്ടമുണ്ടാകട്ടെ ഏന്നു കരുതിയും അതുചെയ്യുന്നു.                               
                                                             -വില്യം ഹാസ്ലിറ്റ്-

ഭ്രാന്ത്

ഒരു മനുഷ്യന് അല്പം ഭ്രാന്ത് വേണം. അല്ലെങ്കില്‍ അവര്‍ ഒരിക്കലും കയര്‍ മുറിച്ചുമാറ്റി സ്വതന്ത്രരാവാന്‍ ധൈര്യപ്പെടുകയില്ല.                                                                    -നിക്കോസ് കസന്ദ്സാക്കിസ്-

പ്രധാന ലക്ഷ്യം

മതത്തിന്‍റെ പ്രധാന ലക്ഷ്യം മനുഷ്യനെ സ്വര്‍ഗത്തില്‍ എത്തിക്കുകയെന്നതല്ല;സ്വര്‍ഗത്തെ അവനിലേക്ക് എത്തിക്കുകയെന്നതാണ്.                                                    -തോമസ് ഹാര്‍ഡി -

ചിന്തകള്‍

നമ്മള്‍ നമ്മുടെ ചിന്തകളുടെ നിര്‍മിതിയാണ്. അതുകൊണ്ട് ചിന്തിക്കുന്നതിനെക്കുറിച്ച് സൂക്ഷ്മത പുലര്‍ത്തുക.വാക്കുകള്‍ രണ്ടാമതേ വരുന്നുള്ളൂ.ചിന്തകള്‍ ജീവിക്കുന്നു;അവ ബഹുദൂരം  സഞ്ചരിക്കുന്നു.                                                                                                                       -സ്വാമി വിവേകാനന്ദന്‍ -

സ്ഥിതിവിവരക്കണക്ക്

വസ്തുതകള്‍ ഇളക്കാന്‍ കഴിയാത്തവയാണ്.പക്ഷേ കുറേക്കൂടി വഴക്കമുള്ളതാണ് സ്ഥിതിവിവരക്കണക്ക്                                         -മാര്‍ക്ക്ട്വൈന്‍ -

വില

പ്രവര്‍ത്തിക്കാതിരിക്കുന്നതിന് കൊടുക്കേണ്ടുന്ന വില,ഒരു പിഴവ് വരുത്തുന്നതിന് കൊടുക്കേണ്ടുന്നതിനേക്കാള്‍ എത്രയോ അധികമാണ്                 -മെയ്സ്റ്റര്‍ എക്ഹാര്‍ട്ട്-      

ധാരാളം

ഭൂരിപക്ഷത്തില്‍ പെടാന്‍ ബുദ്ധിയുള്ള ആള്‍ സമയം ചെലവിടേണ്ടതില്ല.നിര്‍വചനമനുസരിച്ച് തന്നെ   അതിന് ധാരാളം പേരുണ്ട്                                       -ജി.ഏച്ച്.ഹാര്‍ഡി-

കടങ്കഥകള്‍ -ഉത്തരങ്ങള്‍ 2

കടങ്കഥകള്‍ -ഉത്തരങ്ങള്‍  2                                                                            1 കണ്‍പീലി
 2 ത്രാസ്
 3 നിലവിളക്ക്
 4 തുണിക്കെട്ട്
5 ആന
 6 ഉലക്ക
 7 പുളിമരം
 8 അരിവാര്‍ക്കല്‍    
9 തലമുടി
 10 അണ്ണാന്‍-സൂചി
11 കണ്‍പുരികം
 12 പാവയ്ക്ക
13 മിന്നാമിനുങ്ങ്
 14 തളിക
15 അമ്മി ക്കല്ല്
16 കിണ്ടി
 17 കോഴിപ്പൂവ്
 18 താക്കോല്‍കൂട്ടം
 19 വിളക്കിലെ തിരികെടല്‍
 20 തൊട്ടാവാടി       

കടങ്കഥകള്‍ -ഉത്തരങ്ങള്‍

കടങ്കഥകള്‍ -ഉത്തരങ്ങള്‍ - 1 പപ്പടം 2 കുരുമുളക് 3 വെറ്റിലമുറുക്ക് 4 ചിരവ 5 ചൂല് 6 വാഴക്കൂമ്പ് 7  ചൂല്  8 ആകാശം 9 പേന്‍ 10 കൈവിരലുകള്‍ 11 കുടം 12 തീക്കനല്‍ 13 തെങ്ങ് 14 സ്വര്‍ണ്ണം ഉരുക്കി അടിക്കല്‍ 15 കുട 16 ചന്ദനം 17 വൈദ്യുതി 18 തീ 19 അടയ്ക്ക 20 കുട 21 മൂക്ക് 22 കോഴിമുട്ട 23 ആകാശം-നക്ഷത്രങ്ങള്‍ 24 മുതല                                                                                                                                                                                 

ശൂന്യസ്ഥലം

കളിമണ്ണ് കുഴച്ച് നാം കുടം ഉണ്ടാക്കുന്നു പക്ഷേ അതിനകത്തെ ശൂന്യസ്ഥലമാണ് നമുക്ക് വേണ്ടതിനെ  വഹിക്കുന്നത്                                                    -ലാവോത് സെ-                        

സാന്നിധ്യം

ഈശ്വരനെ ഭയപ്പെടുന്നവര്‍ അവിടുത്തോട് സഹായം ആവശ്യപ്പെടുന്നു.ഈശ്വരനെ സ്നേഹിക്കുന്നവരാകട്ടെ ഹൃദയത്തില്‍ ഒരു നിമിഷം വിട്ടുമാറാത്ത സാന്നിധ്യമാകാന്‍ ആവശ്യപ്പെടുന്നു                            - ഈശ്വര ചന്ദ്രവിദ്യാസാഗര്‍ -                                                                                                                                         

സ്നേഹം

നിങ്ങളുടെ ശത്രുവിനെ നശിപ്പിക്കുവാനുള്ള ഏറ്റവും നല്ല മാര്‍ഗം അയാളെ നിങ്ങളുടെ സുഹൃത്താക്കി മാറ്റുക എന്നതാണ്. ഏത് ശത്രുവിനേയും കീഴടക്കാന്‍ ഏറ്റവും നല്ല ദൈവീക വഴി സ്നേഹമാണ്.
                                                                 - എബ്രഹാം ലിങ്കണ്‍ -